VOV4.Êđê - Lŏ dơ̆ng klei nao čuă gưl knŭk kna ala čar Campuchia, aguah mbruê 22/12, Khua lăn čar Nguyễn Xuân Phúc mâo leh klei nao čuă, blŭ hrăm hŏng phung knuă druh anôk bruă bi ala Việt Nam ti Campuchia, bi tuôm hŏng êpul êya mnuih ƀuôn sang Việt Nam dôk ti Campuchia. Hơ̆k mơak hlăm klei bi tuôm anăn, Khua lăn čar Nguyễn Xuân Phúc lŏ ƀơ̆k bâo hlăm wưng dleh dlan kyua klei ruă tưp Covid-19, Việt Nam leh anăn Campuchia mâo lu bruă ngă bi đru hdơ̆ng pô, anei jing klei bi khăp yuôm bhăn, lŏ bi êdah knhuah gru jăk siam, kjăp leh anăn sui plah wah 2 knŭk kna leh anăn mnuih ƀuôn sang 2 ala čar.

Hlăm hruê mmông kơ anăp, Khua lăn čar Nguyễn Xuân Phúc mtă kơ phung knuă druh, mnuih mă bruă ti anôk bruă bi ala ngă bi leh bruă klam Đảng, knŭk kna jao leh, ngă jăk bruă klam rơ̆ng kơ mnuih ƀuôn sang dôk hdĭp mda ti nei čiăng ƀrư̆ hruê ƀrư̆ mâo lu hĭn dŭm bruă ngă klă klơ̆ng mđing kơ ƀuôn sang pô, đru mguôp mkŏ mjing ƀuôn sang, ala čar, hlăm anăn mâo bruă mgaih msir hră mơar kơ mnuih ƀuôn sang Việt Nam dôk ti ala čar Campuchia.

Y-Ƀel pô mblang