VOV4.Êđê- Ti ƀuôn prŏng phŭn Moscow, Khua lăn čar Nguyễn Xuân Phúc leh anăn mô̆ ñu mâo leh klei nao čuă leh anăn bi tuôm hŏng phung knuă druh, phung mă bruă anôk bi ala Việt Nam ti Russia. Blŭ hlăm klei bi tuôm anăn, Khua lăn čar Nguyễn Xuân Phúc pah mni, yap yuôm bhăn bruă mprăp kơ klei nao čuă tal anei mơ̆ng phŭn bruă hŏng tač êngao, dŭm phŭn, dhar bruă djŏ tuôm leh anăn boh nik jing phung knuă druh, phung mă bruă ti anôk bruă bi ala Việt Nam ti Russia. Khua lăn čar mtă kơ phung knuă druh, phung mă bruă bi ala Việt Nam ti nei ngă jăk klei bi klă mrô 12 mơ̆ng gưl dlông mrâo anei kơ bruă mnuih ƀuôn sang Việt Nam dôk ti ala tač êngao hlăm wưng klei aguah tlam mrâo, ngă jăk bruă klam rơ̆ng kơ mnuih ƀuôn sang, đru hlăm klei hdĭp mnuih ƀuôn sang Việt Nam dôk hdĭp ti nei leh anăn mâo lu hĭn bruă ngă klă klơ̆ng mơ̆ng mnuih ƀuôn sang mđĭng kơ ƀuôn sang pô, đru rŭ mdơ̆ng ƀuôn sang, ala čar pô.

Pô mblang: Y-Ƀel Êban