VOV4.Êđê -  Hlue si asăp mtă mơ̆ng Khua mil čhil Russia Vladimir Putin, Khua lăn čar Nguyễn Xuân Phúc djă akŏ êpul bi ala gưl dlông Việt Nam nao čhưn kơ ala čar Russia mơ̆ng hrue anei (29/11 - 2/12/2021). Anei jing gưl hiu čhưn yuôm bhăn kruăk knăl 71 thŭn Việt Nam lehanăn Russia mkŏ mjing klei mjĕ mgiăm, 20 thŭn dua ala čar kuôl ka klei hgŭm kluôm dhuôm lehanăn giăm 10 thŭn mâo klei bi klă mbĭt mđĭ hĭn djăp mta bruă kluôm ênŭm hĭn, mơ̆ng anăn pŏk ƀăng kơ dŭm hdră hgŭm mrâo plah wah dua ala čar.

Gưl nao čhưn kơ Russia tal anei mơ̆ng Khua lăn čar Nguyễn Xuân Phúc lŏ mâo klei čang hmăng mtrŭt mđĭ klei hgŭm Việt Nam - Russia kơ bruă mdrơ̆ng hŏng klei ruă tưp, boh nik mtrŭt Nga đru vaccine, lehanăn đru brei kdrăp mkra mjing vaccine kơ Việt Nam. Mơ̆ng anăn, đru kơ dua ala čar ksiêm dlăng kjăp klei ruă tưp lehanăn mđrăm mbĭt bi hgŭm dưi mtrŭn agha êlam hĭn, tŭ jing hĭn./.

Y -Khem pô mblang