VOV4.Êđê- Hruê mbruê 8/12, čar Hà Giang mkŏ mjing knăm bi hdơr 130 thŭn hruê mkŏ mjing čar Hà Giang (20/8/1891 – 20/8/2021), 30 thŭn lŏ wĭt mkŏ mjing čar leh anăn 60 thŭn hruê Awa Hồ hriê čuă čar Hà Giang, Khua lăn čar Nguyễn Xuân Phúc nao hgŭm hlăm knăm anei dưi bi klă čar Hà Giang jing anôk mâo hdră êlan yuôm bhăn, krĭng knông lăn mrô 1 hlăm ala čar. Ai tiê mơ̆ng mnuih ƀuôn sang čar Hà Giang jing ai tiê djuê ana Việt Nam. Hŏng bruă kñăm mđĭ kyar mơ̆ng čar Hà Giang mdưm leh hlăm klei kƀĭn bruă Đảng čar tal 17, anăn mjing mđĭ kyar čar Hà Giang jing anôk kơ klei hiu čhưn ênguê, mnia mblei, bruă lŏ hma leh anăn lu bruă mkăn mâo mnơ̆ng dhơ̆ng. Truh thŭn 2030 jing čar mâo bruă duh mkra – ala ƀuôn đĭ kyar kah knar hlăm ala čar, Khua lăn čar Nguyễn Xuân Phúc mtă kơ čar Hà Giang čiăng lŏ tui duah lu klei bi hmô leh anăn boh kdrŭt mđĭ kyar bruă duh mkra mrâo hluê si klei găl mâo leh hlăm čar, ngă tal êlâo hĭn dŭm hdră êlan bi hơĭt klei hdĭp, bi hrŏ klei ƀun ƀin, mđĭ hin klei duh bi liê kơ bruă mtô mjuăt bi hriăm, bruă mdrao mgŭn, mkăp brei klei jăk hĭn kơ mnuih ƀuôn sang.

Pô mblang: Y-Ƀel Êban