VOV4.Êđê - Aguah 20/12, ti Hà Nội, Anôk bruă Đảng kahan gưl dlông, Phŭn bruă lĭng kahan mkŏ mjing Klei bi kƀĭn bruă kđi čar êpul lĭng kahan online thŭn 2021 ti 141 anôk mkŏ, ksiêm wĭt klei tŭ dưn gĭt gai hluê ngă bruă klam lĭng kahan thŭn 2021 leh anăn pŏk ngă bruă klam thŭn 2022.

Bi ala kơ Đảng, Knŭk kna, Bruă Đảng kahan gưl dlông, Khua lăn čar Nguyễn Xuân Phúc mơĭt klei hơêč hmưi kơ phung khua kahan, knuă druh, lĭng kahan, kahan mkăp, kahan ƀuôn kluôm ala klei êmuh hrăm siă suôr leh anăn klei hơêč hmưi jăk siam hĭn ƀri bi hdơr 77 thŭn mkŏ mjing Êpul lĭng kahan yang ƀuôn Việt Nam. Kơ bruă klam thŭn 2022, Khua lăn čar mtă, bruă Đảng kahan gưl dlông, Phŭn bruă lĭng kahan brei ksiêm dlăng, lač djŏ klă kơ boh klei, pral hĭn hlăm klei đaŏ knăl, kčĕ kơ bruă lĭng kahan hŏng Đảng, Knŭk kna. Bi mguôp tliêr kjăp hŏng bruă răng mgang klei êđăp ênang, hŏng tač êngao, hyuă kjăp klei bi hgŭm lĭng kahan.

H’Zawut pô mblang