VOV4.Êđê- Aguah mbruê, 10/1, Khua lăn čar Nguyễn Xuân Phúc tŭ drông leh Đại tướng Vilay Lakhamphong, khua hlăm bruă kđi čar, khua phŭn bruă kahan ksiêm Lao dôk mâo klei hriê čuă, mă bruă ti Việt Nam. Bi ala kơ Đảng, knŭk kna Việt Nam, Khua lăn čar Nguyễn Xuân Phúc mâo klei hơêč hmưi kơ Vilay Lakhamphong dưi ruah mdưm jing khua hlăm bruă kđĭ čar, mbĭt anăn jing khua gĭt gai phŭn bruă kahan ksiêm tal êlâo hĭn jing Đại tướng kahan ksiêm ala čar Lao.

Khua lăn čar hmăng hmưi phŭn bruă kahan ksiêm 2 ala čar bi lar knhuah gru, mđĭ hĭn klei bi mguôp kluôm êlam hĭn, mgaih msir dŭm boh klei leh anăn bi mguôp hlăm dŭm bruă msĕ si gang mkhư̆ phung ngă soh êlan internet, ngă soh hŏng kdrăp mrâo mrang, matuĭ. Khua phŭn bruă kahan ksiêm Lao mâo klei lač jăk kyua klei đru yuôm bhăn mơ̆ng Đảng, knŭk kna leh anăn phŭn bruă kahan ksiêm Việt Nam hrăm mbĭt nao nao đru kơ ala čar Lao, boh nik hlăm wưng klei dleh dlan.

Pô mblang: Y-Ƀel Êban