VOV4.Êđê- Tlam mbruê, khua phŭn bruă kahan ksiêm Tô Lâm ba anăp êpul bi ala kahan ksiêm Việt Nam nao hlăm klei kƀĭn trông phung khua phŭn bruă kơ klei bi mguôp gang mkhư̆ phung ngă soh 3 ala čar hŏng êlan online plah wah 3 ala čar Việt Nam-Lào leh anăn Campuchia. Hlăm klei kƀĭn anăn, khua phŭn bruă kahan ksiêm Tô Lâm bi klă klei bi mguôp bruă răng mgang ala čar – klei êđăp ênang jing kmeh gơ̆ng hlăm klei mjĕ giăm 3 ala čar, mñă klă leh anăn ngă djŏ klei bhiăn amâo brei kơ sa êpul êya yua alŭ wăl ala čar anei čiăng bi rai ala čar dih. Bi ruê̆ klei kƀĭn, phung khua phŭn bruă mâo leh klei bi klă mbĭt hlăm klei kƀĭn trông anei kơ klei bi mguôp gang mkhư̆ phung ngă soh tal 3. Hlăm anăn mñă klă ƀuăn rơ̆ng bi mguôp kjăp hĭn klei êđăp ênang 2 tĭng leh anăn 3 tĭng djŏ guôp hŏng mta phŭn hlăm hdră êlan bi mguôp 2 tĭng grăp thŭn bi klă leh giăm anei leh anăn hră kluôl kă bi mguôp 3 tĭng plah wah 3 phŭn bruă.

Pô mblang: Y-Ƀel Êban