VOV4.Êđê- Ƀri hdră “Guh mngač ai thâo gĭr mơ̆ng Việt Nam” thŭn 2021, aguah mbrue (13/12) k’iăng khua Bruă kƀĭn ala Nguyễn Khắc Định mâo leh klei bi tuôm hŏng 20 čô pô bi ala, hlăm ênoh jih jang 50 klei thâo bi hmô jăk mơ̆ng phung êdam êra amâo jăk asei mlei mâo klei thâo gĭr, mơ̆ng 34 boh čar, ƀuôn prŏng nao hlăm hdră anei. Hdră duh mngač ai thâo gĭr mơ̆ng Việt Nam” thŭn 2021, kñăm bi lar ai tiê thâo gĭr hdĭp hŏng klei thâo uêñ, hrăm mbĭt gĭr hŏng yang ƀuôn. 50 klei bi hmô mơ̆ng êdam êra amâo mâo jăk asei mlei thâo gĭr thŭn anei mâo leh lu klei tŭ dưn prŏng hlăm dŭm bruă dhar kreh, mjuăt asei mlei, lehanăn bi lar ai tiê anăn kơ hđeh gưl mrâo, amâo mâo djŏ knŏng hlăm bruă rŭ mjing bruă knuă, ƀiădah lŏ thâo bi đru hdơ̆ng găp, jih ai tiê hgŭm hlăm bruă yang ƀuôn, boh nik nao hlăm bruă hâo hưn, bi đru hlăm bruă mdrơ̆ng hŏng klei ruă tưp Covid 19 leh êgao. K’iăng khua bruă kƀĭn ala Nguyễn Khắc Định brei thâo srăng hrăm mbĭt hŏng dŭm êpul bruă ngă tŭ jing djăp hdră êlan djŏ tuôm hŏng mnuih amâo mâo jăk asei mlei./.

Pô mblang: Y-Khem Niê