VOV4.Êđê- Tlam 9/12, ti Anôk bruă Knŭk kna, K’iăng Khua knŭk kna Phạm  Bình Minh gĭt gai klei bi kƀĭn trông kơ hdră kơrŭ wĭt dŭm gưl phiơr bruă mnia blei hŏng tač êngao mơ̆ng hruê 15/12 hluê si klei kčĕ mơ̆ng Phŭn bruă êlan klông dŭ mdiăng. Phŭn bruă êlan klông dŭ mdiăng kčĕ 2 wưng lông kơrŭ wĭt dŭm gưl phiơr bruă mnia blei mdiăng phung tuê ala tač êngao hriê ti Việt Nam. K’iăng Khua knŭk kna Phạm Bình Minh brei thâo, brei ruah dŭm ala čar mâo klei êđăp ênang. Phung tuê hriê ti Việt Nam hlăm dŭm gưl phiơr brei ngă djŏ hdră kčah kơ hdră gang mkhư̆ klei ruă tưp, tlŏ ênŭm 2 aruăt vaccin, amâodah hlao leh klei ruă Covid-19, mâo klei ksiêm mkă PCR amâo djŏ ôh kman klei ruă hlăm 72 mmông êlâo kơ đĭ êdeh phiơr. K’iăng Khua knŭk kna ăt mtă brei mâo kdrăp hâo hưn klei suaih pral ba yua kơ phung mŭt hlăm ala čar čiăng mjing klei găl kơ bruă ktuê dlăng klei ruă tưp.

Pô mblang: H’Zawut Ƀuôn Yă