VOV4.Êđê - Hruê mbruê, 22/12, k’iăng Khua knŭk kna Vũ Đức Đam gĭt gai leh klei kƀĭn online ala čar tui ngă klei bhiăn gang mkhư̆ matuĭ thŭn 2022, bruă gang mkhư̆ klei ruă tưp Covid-19 leh anăn rơ̆ng klei êđăp ênang mnơ̆ng ƀơ̆ng huă. Blŭ hlăm klei kƀĭn anăn, k’iăng Khua knŭk kna Vũ Đức Đam mñă klă, khădah hlăm hruê mmông êgao, bruă gang mkhư̆ matuĭ mâo lu boh tŭ dưn jăk, ƀiădah ăt dôk mâo lu klei hyưt. Kyuanăn, dŭm alŭ wăl čiăng lŏ tui ngă dŭm hdră êlan gang mkhư̆ matuĭ djŏ hŏng boh sĭt hlăm alŭ wăl. k’iăng Khua knŭk kna Vũ Đức Đam lač, bruă anei amâo knŏng djŏ kơ hjăn êpul êya kahan ksiêm, lĭng kahan knông lăn, bruă mdrao mgŭn, mnuih mă bruă, kahan êka êkah leh anăn yang ƀuôn, ƀiădah wĭt kơ êpul êyua bruă phat kđi, anôk bruă klei bhiăn, boh nĭk hŏng dŭm êpul êya mtrŭt mjhar bruă gang mkhư̆, dŭm hdră êlan ngă bruă, ƀiădah srăng ƀuah mkra ktang bhĭt hŏng phung yua matuĭ. Hlăm klei kƀĭn, phung bi ala ăt lŏ hmư̆ dŭm klei hyuă kjăp bruă klam gang mkhư̆ klei ruă tưp Covid-19 nah gŭ, rơ̆ng klei doh mnơ̆ng ƀơ̆ng hưn hlăm wưng tết nguyên đán.

Y-Ƀel pô mblang