VOV4.Êđê- Mđing truh klei bi hdơr hruê phung nai Việt Nam, tlam 18/11, ti Anôk bruă Khua lăn čar, K’iăng Khua lăn čar Võ Thị Ánh Xuân bi tuôm hŏng Êpul bi ala phung nai êdah kdlưn ƀri gưl nao hlăm hdră “bi đru hŏng phung nai” thŭn 2021. Blŭ hrăm hlăm anôk bi tuôm, K’iăng Khua lăn čar Võ Thị Ánh Xuân mơĭr klei hơêč hmưi kơ jih jang phung nai, knuă druh kriê dlăng bruă sang hră hlăm kluôm ala leh anăn phung nai nao hlăm hdră klei hơêč hmưi jăk hĭn ƀri gưl bi hdơr hruê phung nai Việt Nam 20/11.  K’iăng khua lăn čar bi đru klei dleh dlan, hmaĭ kyua klei ruă Covid-19 hŏng phung nai leh anăn bruă sang hră. Ƀiădah, hŏng klei blŭ “ Mdei êjai nao sang hră, amâo mdei ôh bruă hriăm”, bruă sang hră mâo leh klei bi mlih mbruă hdră kčah hriăm, mtô, mkŏ mjing jăk dŭm klei bi lông, mphŭn pŏk thŭn hriăm mrâo, rơ̆ng hdră mdrơ̆ng êđăp ênang hŏng klei ruă tưp.

Pô mblang: H’Zawut Ƀuôn Yă