VOV4.Êđê- Aguah hruê 18/11, ti Hà Nội, Phŭn bruă Mnuih ngă bruă kahan êka êkeh lehanăn yang ƀuôn mkŏ mjing leh Knăm bi hdơr Hruê nai mtô Việt Nam (20/11) lehanăn tŭ mă Medai mă bruă mrô sa mơ̆ng Knơ̆ng mjuăt bi hriăm bruă knuă mă. Thŭn hriăm leh êgao, klei ruă Covid 19 ba leh lu klei myŭk mtŭl, hmăi truh kơ hdră mjuăt bi hriăm bruă lehanăn klei kơ bruă mă, lu čar, ƀuôn prŏng hluê ngă hdră bi ktlah yang ƀuôn hmăi leh kơ hdră mtô bi hriăm mơ̆ng êbeh 1.900 anôk mtô bi hriăm bruă knuă hlăm kluôm ala čar.

Khă snăn, anôk bruă mtô bi hriăm bruă knuă hlăm kluôm ala mâo leh hdră ngă bruă pral, djŏ guôp, bi mlih mơ̆ng hdră bi hriăm klă anăp jing hdră bi hriăm online. Phung nai mtô msir mghaih leh klei dleh dlan, pral pŏk ngă mđrăm mbĭt, kjăp dŭm hdră msir gang mkhư̆ tŭ dưn klei ruă tưp. Ti knăm anei, bi ala phung khua kiă kriê Đảng, Knŭk kna, K’iăng khua lăn čar Võ Thị Ánh Xuân mđup brei leh Mdei mă bruă mrô sa kơ Knơ̆ng mtô bi hriăm bruă knuă, Phŭn bruă mnuih ngă bruă, kahan êka êkeh lehanăn yang ƀuôn./.

Pô mblang: H’Nêč Êñuôl