VOV4.Êđê -  Aguah anei 16/12 ti Hà Nội, Phŭn bruă lŏ hma leh anăn Mđĭ kyar krĭng ƀuôn sang bi hgŭm hŏng Hdră mđĭ kyar Êpul hgŭm lu ala čar ti Việt Nam leh anăn Keh mđĭ kyar bruă lŏ hma dlông rŏng lăn mkŏ mjing Klei bi kƀĭn Hdră đru dlông rŏng lăn thŭn 2021. Klei bi kƀĭn jing hdră bi trông kơ hdră êlan gưl dlông dưi mkŏ mjing grăp thŭn plah wah Phŭn bruă lŏ hma leh anăn mđĭ kyar krĭng ƀuôn sang hŏng êpul êya dŭm phung kăp đru dlông rŏng lăn, êpul grup duh mkra, ƀĭng hgŭm čiăng bi trông, bi kah dŭm hdră êlan, klei mđing tal êlâo mơ̆ng dua tĭng kñăm mđĭ ktang klei bi hgŭm dlông rŏng lăn, hyuă kjăp klei gĭt gai dŭm klei găl mđĭ kyar bruă lŏ hma Việt Nam hluê hdră hơĭt kjăp leh anăn kluôm ênŭm. Hŏng akŏ “Ƀĭng hgŭm mtah kơ sa bruă lŏ hma mrâo”, klei bi kƀĭn srăng kčĕ kơ Hră čih Hdră mđĭ kyar bruă lŏ hma, krĭng ƀuôn sang hơĭt kjăp wưng thŭn 2021-2030, klei tă hdră truh thŭn 2050 leh anăn Hdră kčah ngă bruă ala čar mơ̆ng Việt Nam kơ mnơ̆ng ƀơ̆ng huă hơĭt kjăp wưng thŭn 2021-2030.

H’Zawut pô mblang