VOV4.Êđê - Lŏ dơ̆ng klei bi kƀĭn êngao hdră kčah tal sa, Bruă kƀĭn ala gưl 15 bi trông leh online kơ hră čih Hdră mtrŭn kơ ngăn prăk čiăng đru kơ hdră kơrŭ wĭt leh anăn mđĭ kyar bruă duh mkra - ala ƀuôn. Phung bi ala mñă klă kơ bruă hơĭt kjăp bruă duh mkra kluôm jing yuôm bhăn snăk; brei mđing kdơ̆ng hŏng klei ƀơ̆ng ngăn, čan prăk knŭk kna, luič liê prăk knŭk kna. Dŭm klei blŭ ăt mtă brei ktuê dlăng kjăp ênoh đru, ñĕ kơ klei bi mjhua mơ̆ng hdră đru. Lu phung bi ala lač, Hră čih Hdră mtrŭn hưn mdah hŏng Bruă kƀĭn ala tal anei jing hdră êlan kluôm djŏ klă, ƀiădah anei ăt jing bruă yuôm bhăn snăk, klei lông dlăng brei êmuh klei thâo leh anăn klei gĭr. Hluê si phung bi ala, ênoh đru dưi mbha brei dlăng hlăm klei bhiăn, hnơ̆ng kčah leh anăn klei găl brei hluê ngă. Bruă bi mklă mbha giăm 350 êbâo êklai prăk kơ lu hdră kñăm mdê mdê, mâo dŭm hdră kñăm dưi mbha tlă anăp, mâo dŭm hdră kñăm mơ̆ng hdră hrui prăk jia, hră đru prăk mnga.

H’Zawut pô mblang