VOV4.Êđê - Aguah 2/12, mkŏ mjing leh Klei bi kƀĭn mkŏ ba čhĭ plah wah ƀuôn prŏng Hồ Chí Minh leh anăn dŭm čar, ƀuôn prŏng hlăm kluôm ala. Blŭ hrăm ti anôk bi kƀĭn, K’iăng Khua Phŭn bruă tuh tia mnia blei Đỗ Thắng Hải bi mni kơ bruă rơ̆ng phŭn mkăp mnơ̆ng dhơ̆ng čiăng êdi kơ hlăm brô 10 êklăk čô mnuih ti ƀuôn prŏng Hồ Chí Minh wăt hlăm dŭm wưng dleh dlan hĭn hlăk klei ruă tưp bluh ktang.

Čiăng mđĭ klei tŭ dưn hluê ngă mta bruă, đru kơ anôk bruă mnia blei krŭ wĭt bruă mkra mjing mnia blei, K’iăng Khua phŭn bruă Đỗ Thắng Hải mtă kơ Khua gĭt gai Knơ̆ng bruă sang čư̆ êa ƀuôn prŏng Hồ Chí Minh, Knơ̆ng bruă tuh tia mnia blei dŭm čar leh anăn dŭm anôk bruă brei mđĭ klei tŭ dưn hluê ngă Hdră bi hgŭm mnia blei, boh nik dŭm Hdră bi hơĭt ênoh ênil leh anăn Hdră bi hgŭm mkăp mnơ̆ng dhơ̆ng mơ̆ng bruă kƀĭn hlăm klei đru mđĭ kyar anôk ba čhĭ mnơ̆ng dhơ̆ng lŏ hma, mnơ̆ng yua aguah tlam.

H’Zawut pô mblang