VOV4.Êđê- Tlam 24/11, Lê Hoài Trung - Khua hlăm bruă Đảng gưl dlông, Khua Anôk bruă hŏng tač êngao gưl dlông Đảng cộng sản Việt Nam leh anăn Tống Đào - Khua hlăm bruă Đảng gưl dlông, Khua Anôk bruă bi hgŭm hŏng tač êngao Đảng Cộng sản China, hrăm mbĭt gĭt gai Klei bi kƀĭn online hưn mthâo klei tŭ Klei bi kƀĭn gưl dlông tal XIII Đảng drei leh anăn Klei bi kƀĭn gưl dlông tal 6 gưl XIX Đảng Cộng sản China. Hlăm anôk bi kƀĭn, Lê Hoài Trung bi mklă, Đảng leh anăn Knŭk kna Việt Nam mđing dlăng nanao leh anăn đaŏ knang, Đảng leh anăn mnuih ƀuôn sang China srăng lŏ čuê knhuah gru hƀuê ênuk kdrưh kơăm, lŏ dơ̆ng mâo dŭm klei tŭ êdah kdlưn mrâo hlăm bruă mkŏ mjing yang ƀuôn ngă phŭn China. Gưl anei, dua tĭng bi mni kơ dŭm klei đĭ kyar jăk hlăm klei bi hgŭm dua Đảng, dua knŭk kna hlăm wưng êgao, bi trông kơ dŭm bruă bi hgŭm hlăm wưng kơ anăp, hlăm anăn mâo bruă lŏ dơ̆ng mkŏ mjing êlan knông lăn hlăm klei êđăp ênang, bi hgŭm, mđĭ kyar, mđĭ klei bi hgŭm, ktuê dlăng jăk klei amâo thâo bi djŏ hlăm êa ksĭ, ba klei bi hgŭm plah wah dua Đảng, dua ala čar leh anăn mnuih ƀuôn sang dua ala čar lŏ dơ̆ng mâo lu klei tŭ dưn hĭn hlăm wưng mrâo.

Pô mblang: H’Zawut Ƀuôn Yă