VOV4.Êđê -  Aguah 27/12, ti Hà Nội, Dhar bruă mặt trận čar kwar gưl dlông Việt Nam mkŏ mjing Klei bi kƀĭn online tal 11 Êpul Khua gĭt gai Dhar bruă mặt trận čar kwar dưl dlông Việt Nam gưl 9. Khua Dhar bruă mặt trận čar kwar dưl dlông Việt Nam Đỗ Văn Chiến bi mklă, bruă ngă mơ̆ng Mặt trận thŭn 2021 mâo lu klei găl ƀiădah ăt dôk tlă anăp hŏng lu klei dleh dlan, lông dlăng, boh nik klei hmaĭ lu mta mơ̆ng klei ruă Covid-19. Dŭm klei tŭ dưi mâo mơ̆ng Anôk bruă mặt trận čar kwar dŭm gưl jing năng mpŭ. Kơ bruă klam phŭn thŭn 2022, Khua Dhar bruă mặt trận čar kwar dưl dlông Việt Nam Đỗ Văn Chiến mñă klă, Anôk dlăng bruă gĭt gai mkŏ mjing hdră kčah klă klơ̆ng, kƀĭn hlăm 3 mta bruă phŭn. Sa jing mđĭ boh sĭt, hnơ̆ng jăk ngă bruă ktuê dlăng ala ƀuôn. Tal dua, bi lu jơr hdră čiăng mđing hmư̆, kƀĭn klei blŭ mguôp mơ̆ng phung bi ala kơ mnuih ƀuôn sang leh anăn ala ƀuôn čiăng hmao lač hŏng Đảng leh anăn Knŭk kna. Tal tlâo jing hyuă kjăp bruă kuôl kă mnia blei bi hgŭm ngă bruă mjing thiăm ai ktang mơ̆ng bruă mặt trận čar kwar mơ̆ng Gưl dlông truh alŭ wăl.

H’Zawut pô mblang