VOV4.Êđê- Aguah mbruê, Khua knŭk kna Phạm Minh Chính nao hgŭm leh anăn blŭ gĭt gai hlăm klei kbĭn gưl dlông grăp tuôr tal 3 kơ wưng bruă tuh tia 4.0 hŏng akŏ “Krŭ wĭt leh anăn mđĭ kyar bruă duh mkra – ala ƀuôn kjăp leh jih klei ruă tưp Covid-19, mđĭ mtang bruă tuh tia, bi mrâo mrang hlăm wưng mrô” hŏng êlan online bi mguôp hŏng klă anăp mơ̆ng êpul bruă duh mkra gưl dlông gĭt gai.

Klei bi kƀĭn tal anei mâo boh tŭ dưn yuôm bhăn kơ bruă kđi čar, bruă duh mkra ala ƀuôn, đru tui ngă hdră mtrŭn mơ̆ng klei kƀĭn kluôm Đảng tal 13 leh anăn mkăp brei tur knơ̆ng mkŏ mjing klei bi hmô, hdră êlan bi mrâo mrang ala čar wưng ară anei truh kơ thŭn 2030, tă hdră truh thŭn 2045. Mbĭt anăn jing bruă ngă klă klơ̆ng đru kơ bruă čuăl mkă hdră êlan leh anăn hdră êlan krŭ wĭt, mđĭ kyar bruă duh mkra ala ƀuôn wưng leh jih klei ruă tưp Covid-19 tui si klei bi klă mơ̆ng klei kƀĭn trông gưl dlông 4 gưl 13 leh anăn klei gĭt gai mơ̆ng Khua knŭk kna.

Pô mblang: Y-Ƀel Êban