VOV4.Êđê- Ti Hà Nội, êpul bruă hâo hưn gưl dlông mrâo klei kƀĭn trông kluôm ala bi mklin bruă klei mrâo hâo hưn hŏng tač êngao, hâo hưn kơ krĭng êa ksĭ, plao ksĭ, êlan knông lăn, gơ̆ng knông lăn leh anăn ksiêm dlăng knông lăn thŭn 2021, bi êdah bruă klam thŭn 2022. Khua êpul bruă hâo hưn gưl dlông Nguyễn Trọng Nghĩa gĭt gai klei kƀĭn anei. Bi hlăm klei kƀĭn anăn Khua êpul bruă hâo hưn gưl dlông mñă klă bruă klam yuôm bhăn mơ̆ng bruă hâo hưn tač êngao hâo hưn kơ krĭng êa ksĭ, plao ksĭ. Việt Nam ară anei jing ala čar dôk tal 3 hlăm tar rŏng lăn dŭm ala čar tlŏ mgang vaccine hmar hĭn, hlăm boh tŭ dưn anei mâo klei bi mguôp mơ̆ng bruă hâo hưn tač êngao. Hlăm djăp bruă ngă, čiăng mđĭ hĭn bruă klei mrâo hâo hưn čiăng kơ tar rŏng lăn thâo săng kơ Việt Nam, đăo knang kơ Việt Nam, mđĭ hĭn klei đăo knang leh anăn rup Việt Nam hlăm tar rŏng lăn. Thŭn 2022, Khua êpul bruă hâo hưn gưl dlông mñă klă, bruă klei mrâo hâo hưn hŏng tač êngao ăt lŏ srăng dưi ngă Mrâo mrang ƀiădah kriê pioh knhuah gru djuê ana.

Pô mblang: Y-Ƀel Êban