VOV4.Êđê - Mmăt anei 28/7, Êpul khua gĭt gai Êpul hgŭm mnuih mă bruă Việt Nam srăng mđup brei klei pah mni Nguyễn Văn Linh tal III thŭn 2022 kơ 10 čô knuă druh mnuih mă bruă êdah kdlưn. Klei pah mni Nguyễn Văn Linh jing klei pah mni yuôm bhăn mơ̆ng Êpul hgŭm mnuih mă bruă Việt Nam pioh mđup brei kơ phung knuă druh mnuih mă bruă dŭm gưl mâo klei tŭ êdah kdlưn, mâo lu klei mĭn mbruă, hdră msir mlih mrâo hlăm bruă mă, đru mkŏ mjing êpul mă bruă kjăp ktang, mkŏ mjing anôk bruă đĭ kyar, mkŏ mjing êpul mnuih mă bruă Việt Nam wưng bruă tuh tia mrâo mrang lăn čar leh anăn ñŭ kma hŏng dlông rŏng lăn. Thŭn anei klei bi lông dưi mđrup brei kơ 10 čô knuă druh êpul êdah kdlưn kluôm ala. Knăm mđup brei mkŏ mjing ti Hà Nội hlăm mmăt hruê 28 mlan 7 ƀri bi hdơr 93 thŭn mkŏ mjing Êpul mă bruă Việt Nam./.

H’ Zawut pô mblang