Hlăm Mlan ngă bruă kyua phung hđeh thŭn anei, dŭm phŭn, dhar bruă, alŭ wăl iêô mkrum êbeh 100 êklai prăk đru 1 êklăk gưl čô hđeh hlăm kluôm ala, hjăn Keh Răng mgang đru kơ phung hđeh Việt Nam đru kơ 17.800 čô hđeh mâo klei hdĭp dleh dlan hŏng ênoh bi liê êbeh 20 êklai prăk. Anei jing klei hâo hưn mâo Phŭn bruă mnuih mă bruă - kahan êka êkeh leh anăn ala ƀuôn brei thâo hlăm Klei bi kƀĭn ksiêm wĭt Mlan ngă bruă kyua phung hđeh thŭn 2023.

Klei anei dưi mkŏ mjing aguah 10/7, ti Anôk bruă kơrŭ klei suaih pral phung amâo jăk asei mlei Thụy An, să Thụy An, kdriêk Ba Vì, Hà Nội.  Mlan ngă bruă kyua phung hđeh thŭn anei dưi pŏk ngă hŏng akŏ “Hrăm mbĭt bi hrŏ klei luč liê phung hđeh”. K’iăng Khua Phŭn bruă, kahan êka êkeh leh anăn ala ƀuôn Nguyễn Thị Hà mđup brei leh 100 hnư mnơ̆ng leh anăn nao čhưn wăl kơrŭ wĭt klei thâo, wăl hriăm bruă, wăol huă ƀơ̆ng, wăl đih mdei phung hđeh ti Anôk bruă kơrŭ wĭt klei suaih pral Thụy An, ti să Thụy An, kdriêk Ba Vì, Hà Nội./.