Thŭn 2024, Dhar bruă knŭk kna Việt Nam kơ mnuih Việt Nam hdĭp ti lăn čar tač êngao bi mguôp hŏng bruă sang čư êa ƀuôn prŏng Hồ Chí Minh mkŏ mjing hdră “Yan mnga ƀuôn sang” hŏng klei nao hgŭm mơ̆ng hlăm brô 3000 čô tuê. Hdră mkŏ mjing mơ̆ng hruê 0/02 – 02/02/2024 (hruê 22 leh 23 mlan knhal jih thŭn hruê mlan blĕ) hŏng lu mta phŭn.

Hlăm hdră, Khua lăn čar Võ Văn Thưởng leh anăn mô̆ ñu srăng gĭt gai đa đa bruă yuôm bhăn mbĭt hŏng mnuih Việt Nam hdĭp ti lăn čar tač êngao. Boh nik, bruă sang čư êa ƀuôn prŏng Hồ Chí Minh gĭt gai mmông bi tuôm hŏng hlăm brô 1.000 čô mnuih Việt Nam hdĭp ti lăn čar tač êngao “Mơak yan mnga Giáp Thìn thŭn 2024”, êmuh hrăm tết kơ mnuih ƀuôn sang, mơak yan mnga bi kuh kŭm leh anăn tết ênŭm ênap, hluê anăn hưn mdah hŏng diñu dŭm boh tŭ dưn mđĭ kyar ƀuôn prŏng Hồ Chí Minh găn 35 thŭn mlih mrâo leh anăn đĭ kyar.