Giăm mnuih ƀuôn sang, msir mghaih pral klei ngă hră mơar kơ mnuih ƀuôn sang jing klei ƀuh klă tal êlâo mơ̆ng lu mnuih ƀuôn sang tơdah nao ti anôk bruă ngă hră mơar knŭk kna mrâo. Čiăng kơ bruă mkŏ mjing hdră ba yua gru hmô anôk bruă knŭk kna 2 gưl mrâo tŭ dưn, Anôk dlăng bruă Đảng čar Lâm Đồng kah mbha leh knuă druh nao ksiêm dlăng ti lu ƀuôn hgŭm mrâo.

Nao ksiêm dlăng ti Ƀuôn hgŭm Xuân Trường, Hồ Văn Mười – Khua anôk bruă sang čư̆ êa čar Lâm Đồng čuă êmuh, mđĭ ai mnuih ƀuôn sang nao ngă hră mơar ti anôk bruă knŭk kna mrâo. Khua Anôk bruă sang čư̆ êa čar Lâm Đồng ăt mtă kơ êpul knuă druh, phung khua anôk bruă, mnuih mă bruă ti ƀuôn hgŭm Xuân Trường brei gĭr ktưn hĭn, bi hgŭm mguôp kjăp čiăng hluê ngă mta kñăm mkăp kơ mnuih ƀuôn sang, mđĭ kyar alŭ wăl lehanăn đru mđĭ kyar ala čar./.