Tlam mbrue 15/12, ti Hưng Yên, Khua gĭt gai Đảng Tô Lâm mbĭt hŏng phung bi ala bruă kƀĭn ala čar bi tuôm leh hŏng phung bi ala kơ mnuih ƀuôn sang dŭm boh ƀuôn hgŭm Kiến Xương, Lê Lợi lehanăn Quang Lịch, hưn mthâo boh tŭ dưn mơ̆ng klei bi kƀĭn tal 10, bruă kƀĭn ala gưl 15, lehanăn mđing hmư̆, lehanăn wĭt lač dŭm klei akâo. Khua gĭt gai Đảng, brei thâo, bruă duh mkra ala ƀuôn ară anei hlăm kluôm ala ăt hơĭt, kơrŭ wĭt hŏng klei jăk êjai tar rŏng lăn  dôk găn lu klei bi mlih, bruă prăp êmiêt kơ klei bi kƀĭn prŏng Đảng 14 hlăk dôk ngă hŏng klei jăk, djŏ hŏng hrue kčah hlăm mlan 1 tinăp.  

 Kơ klei mkŏ mjing bruă sang čư̆ êa alŭ wăl dua gưl, Khua gĭt gai Đảng mtă bi pral dăp anôk, ngăn dŏ knŭk kna, mđĭ hnơ̆ng kjăp êpul mă bruă nah gŭ, hyuă kjăp klei mbha gưl, mbha klei dưi. Wưng anei khua gĭt gai Đảng mđup brei 30 kdrăp computer kơ 3 boh ƀuôn hgŭm ti Hưng Yên; nao čuă lehanăn mđup brei mnơ̆ng kơ gŏ sang kahan êka êkeh Nguyễn Trọng Hiếu, mnuih mâo bruă tŭ dưn hlăm alŭ wăl./.