Tlam mbruê 15/12, ti Hà Nội, Khua Knŭk kna Phạm Minh Chính nao hlăm knăm bi hdơr 50 thŭn hruê mkŏ mjing Dhar bruă knông lăn ala čar leh anăn mđup brei mêđai ngă bruă mrô 1 kơ Êpul bruă Dhar bruă knông lăn ala čar, Phŭn bruă hŏng tač êngao. Blŭ hrăm hlăk năm, Khua Knŭk kna mñă ktang knông lăn ala čar jing yuôm bhăn, nao mbĭt hŏng wăl hdĭp mda mơ̆ng djuê ana Việt Nam.

Khua Knŭk kna mñă klă bruă răng mgang knông lăn jing bruă klam phŭn mơ̆ng Đảng, jih jang mnuih ƀuôn sang, lĭng kahan hŏng hdră “grăp čô mnuih ƀuôn sang ti knông lăn jing sa kmeh gơ̆ng hdĭp”.

­Phung ngă bruă răng mgang knông lăn mâo klei thâo kơ hƀuê ênuk, dhar kreh, thâo klă boh sĭt, răng mgang boh tŭ dưn ala čar. Khua Knŭk kna mñă kơ dhar bruă Knông lăn ala čar lŏ dơ̆ng răng mgang kơ boh tŭ ala čar - djuê ana, krơ̆ng kjăp klei êngiê, klei dưi kiă kriê, kluôm dhuôm lăn čar, rơ̆ng kơ wăl anôk êđăp ênang, hơĭt kjăp, mkŏ mjing êlan knông lăn êđăp ênang, bi hgŭm, bi mguôp đĭ kyar hơĭt kjăp.