VOV4.Êđê-Hruê anei, phung hđeh kluôm ala mŭt hlăm hruê bi lông tal 2, ăt jing hruê bi lông knhal tuič mơ̆ng Klei bi lông hriăm jih gưl 3 thŭn 2022. Aguah, phung hđeh bi lông klei hriăm Khoa học tự nhiên amâo dah Khoa học xã hội, tlam bi lông klei blŭ ala tač êngao. Klei bi lông anei trắc nghiệm s’aĭ.Hluê si klei hưn pral mơ̆ng Phŭn bruă Sang hră m’ar, hlăm hruê bi lông tal êlâo hŏng 2 klei bi lông Ngữ văn lehanăn Toán, ênoh phung hđeh nao bi lông êbeh 99%. Phung hđeh jing F0 mâo 79 čô ti 20 anôk bi lông, hlăm anăn mâo 18 čô nao bi lông, 61 čô êkŭt. Khă snăn, mâo leh 22 čô ngă soh hŏng klei kčah mtrŭn, brei mdei klei bi lông, hlăm anăn mâo 5 čô ba hră m’ar mŭt hlăm adŭ bi lông, 17 čô ba đĭng blŭ. Amâo mâo ôh phung nai ngă soh hŏng hdră bhiăn klei bi lông./.

                                                    Pô mblang: H’Nêč Êñuôl