Mkŏ mjing mơ̆ng hruê 9-14/7, ti čar Thanh Hóa, Klei bi lông hdră mđung asăp kluôm ala jing bruă ngă mơ̆ng bruă mđung asăp Việt Nam, dưi mkŏ mjing grăp gưl 2 thŭn sa blư̆, kñăm thâo ƀun, mpŭ kơ phung čih mkra, hdră mđung êdah êdi mơ̆ng phung ngă bruă klei mrâo mđung asăp nkluôm ala.

Klei bi lông hdră mđung asăp kluôm ala - Knăm mơak phung ngă bruă klei mrâo mđung asăp lŏ jing klei găl kơ phung čih klei mrâo, čih mkra hdră bi tui hriăm, mđĭ klei thâo. Klei bi lông mđung asăp kluôm ala tal 16 mâo klei hgŭm mơ̆ng 81 anôk mâo 63 Sang mđung rup - mđung asăp čar, ƀuôn prŏng, dŭm anôk bruă Sang mđung asăp blŭ Việt Nam, Anôk mđung asăp- mđung rup lĭng kahan yang ƀuôn, Anôk bruă hâo hưn mtô mblang kahan ksiêm yang ƀuôn, hŏng 380 klei mđung. Leh klei hrŏng ruah dưi mkŏ mjing ti čar Tuyên Quang, Êpul brei puăng ruah leh 228 klei čih mơ̆ng 81 anôk bruă dưi mŭt hlăm tuôr bi lông knhal tuč.