VOV4.Êđê- Mmăt 3/10, Sang mđung asăp blŭ Việt Nam, 58 Quán Sứ, Hà Nội, Êpul hgŭm kđăm mkra ala čar bi hgŭm hŏng Phŭn bruă hâo hưn mtô mblang leh anăn Sang mđung asăp blŭ Việt Nam mkŏ mjing Knăm mđup brei klei pah mni Hdruôm hră ala čar tal 5. Klei pah mni mâo 48/57 phung kđăm mkra hgŭm. Êpul hgŭm Klei pah mni Hdruôm hră ala čar tal 5 mđup brei klei pah mni kơ 26 hdruôm hră, hlăm anăn mâo 1 klei pah mni A, 9 mrô B leh anăn 16 mrô C hŏng dŭm klei čih hlăm 5 mta: Kđi čar, bruă duh mkra, kreh knhâo kdrăp mrâo, kreh knhâo  ala ƀuôn, dhar kreh kdŏ mmuiñ, phung hđeh. Klei pah mni Hdruôm hră ala čar jing klei pah mni gưl knŭk kna dưi mkŏ mjing grăp thŭn mđup brei klei pah mni kơ hdruôm hră mâo ênoh yuôm kơ klei mĭn, klei thâo hmăi ktang kơ êpul êya, mnuih ƀuôn sang khăp dlăng, phung thơ̆ng kơ bruă bi mni./.

Pô mblang: H’Zawut Ƀuôn Yă