Hlue anăn, Huỳnh Thế Mạnh -  Khua hđăp bruă hâo hưn mtô mblang čar Gia Lai, thŭn anei 59 thŭn, srăng mdei jih thŭn mă bruă mơ̆ng hruê 1/3 anăp anei. Ñu akâo mdei hlăm boh klei Anôk bruă hâo hưn mtô mblang leh anăn Anôk bruă čung ba mnuih ƀuôn sang bi mŭt jing Anôk bruă hâo hưn mtô mblang leh anăn čung ba mnuih ƀuôn sang bruă Đảng čar Gia Lai.

Mbĭt hŏng Huỳnh Thế Mạnh, Dương Dã -  K’iăng Khua Anôk dlăng bruă Đảng Êpul dŭm anôk bruă leh anăn anôk bruă duh mkra čar leh anăn Huỳnh Tấn Đoan -  K’iăng Khua Anôk dlăng bruă Đảng dŭm anôk bruă knŭk kna leh anăn anôk bruă duh mkra čar ăt mâo Anôk dlăng bruă Đảng čar Gia Lai hưn mdah hră bi mklă mdei êlâo kơ jih thŭn mă bruă. Bruă phung knuă druh hlăm Bruă Đảng čar Gia Lai kriê dlăng akâo mdei êlâo kơ jih thŭn mă bruă bi êdah ai tiê đua klam, jang anôk kơ klei mkŏ dăp mrâo bi khuăt, mđĭ klei tŭ dưn mơ̆ng êpul mă bruă.