VOV4.Êđê- Tlam mbruê 30/5, mâo klei tŭ ư mơ̆ng Khua knŭk kna, êpul kriê dlăng msat khua gĭt gai Hồ Chí Minh bi mguôp leh hŏng anôk bruă bi ala Việt Nam ti Russia leh anăn anôk bruă ksiêm duah êa drao gŭn Russia mkŏ mjing klei kƀĭn ksiêm wĭt 30 bi mguôp kriê pioh, răng mgang kluôm ênŭm asei tâo khua gĭt gai Hồ Chí Minh (1992- 2022). Blŭ hlăm klei kƀĭn, Thiếu tướng Bùi Hải Sơn khua kiă kriê êpul kriê dlăng msat khua gĭt gai Hồ Chí Minh brei thâo: Kdrăp bruă kriê pioh asei tâo khua gĭt gai Hồ Chí Minh jing kdrăp mrâo mrang yuôm bhăn, jing dŏ mơ̆ng Russia.

Khădah ară anei, phung kreh knhâo Việt Nam mâo leh klei êngiê, čŏng pô hlăm bruă kriê pioh asei tâo khua gĭt gai Hồ Chí Minh, ƀiădah kăn dưi kƀah lei phung nai jing phung kreh knhâo mơ̆ng Russia. Việt Nam lŏ dơ̆ng ngă bruă ksiêm duah, mgaih msir dŭm boh klei lŏ mâo, bi kluôm ênŭm klei hrăm leh anăn klei thâo ngă bruă kơ phung thơ̆ng kơ bruă Việt Nam, ƀrư̆ ƀrư̆ dưi kiă kriê klei mrâo mrang anei.

                                          Pô mblang: Y-Ƀel Êban