VOV4.Êđê- Hlue si Êpul hgŭm mkra mjing leh anăn ba čhĭ kan hdang Việt Nam (VASEP), 5 mlan akŏ thŭn anei, bruă ba čhĭ kan hdang mơ̆ng Việt Nam mâo hlăm brô 4 êklai 5 êtuh êklăk USD, đĭ êbeh 44,5% mkă hŏng wưng anei thŭn dih.  Hjăn kan tra leh anăn hdang mâo hlăm brô 1 êklai 8 êtuh êklăk đôlar.

Kñăm đru kơ dŭm alŭ wăl, anôk bruă duh mkra, êpul hgŭm bruă mkăp dŭm mta mnơ̆ng dhơ̆ng kan hdang mơ̆ng Việt nam ba yua jih klei găl mơ̆ng Êpul hgŭm bruă duh mkra kluôm krĭng wăl (RCEP) čiăng mđĭ ktang bruă tui duah ƀĭng hgŭm, mkŏ dŭm klei găl bruă mnia blei leh anăn ba čhĭ kơ dŭm ala čar hlăm RCEP, hlăm dua hruê (30-31/5), Knơ̆ng bruă mtrŭt mjhar mnia blei (Phŭn bruă tuh tia mkra mjing” bi hgŭm hŏng dŭm Anôk bruă kriê dlăng bruă mnia blei - Anôk bruă bi ala Việt Nam ti dŭm ala čar hlăm RCEP mkŏ mjing klei bi kƀĭn mnia blei online kan hdang Việt Nam hŏng dŭm anôk ba čhĭ RCEP thŭn 2022. Hlăm klei bi kƀĭn kluôm, phung thơ̆ng kơ bruă, phung blei, bi ala bruă mnia blei Việt Nam ti dŭm ala čar hlăm RCEP (China, Japon, Australia) srăng hưn mthâo kơ klei găl, klei čiăng leh anăn klei găl hŏng dŭm mta mnơ̆ng kan hdang Việt Nam ti dŭm anôk ba čhĭ RCEP./.

                                               Pô mblang: H’Zawut Ƀuôn Yă