VOV4.Êđê - Hluê si klei tĭng mkă mơ̆ng phŭn bruă mtô mjuăt bui hriăm kơ klei lŏ wĭt nao sang hră mơ̆ng phung hđeh sang hră hlăm kluôm ala, yap truh kơ jih hruê mbruê 7/25, mâo leh 53 hlăm 63 čar, ƀuôn prŏng brei phung hđeh điêt leh anăn hđeh sang hră gưl sa nao hriăm ti sang hră mơ̆ng hruê mbruê truh kơ hruê 14/2/2022. Klă klơ̆ng jing phung hđeh điêt leh anăn hđeh sang hră gưl 1, mâo 63 čar, ƀuôn prŏng mâo leh hdră êlan brei phung hđeh nao hriăm ti sang hră hlăm mlan 2 thŭn 2022. Ti sang hră gưl 2, 63 čar, ƀuôn prŏng ăt mâo hdră êlan brei hđeh sang hră wĭt hriăm ti sang hră hlăm mlan 2/2022. Hlăm anăn mâo 57 čar, ƀuôn prŏng brei 100% phung hđeh sang hră nao sang hră mơ̆ng hruê anei 8/2. Sang hră gưl 3, 63 čar, ƀuôn prŏng bruă hđeh nao sang hră mơ̆ng hruê mbruê 7/2. Bi hŏng sang hră gưl prŏng, 100% dŭm sang hră gưl prŏng mâo hdră êlan mkŏ mjing klei hriăm ti sang hră mơ̆ng hruê 14/2 kơ anăp.

Y-Ƀel pô mblang