Olympic Tin học Asi Pacific thŭn 2023 dưi mkŏ mjing hlue ngă online hŏng 1471 hlăm 36 ala čar leh anăn krĭng lăn ala hgŭm (hlăm anăn mâo 3 ala čar jing Canada, Mexico, Brazil dưi iêô nao hgŭm ƀiădah amâo ksiêm dlăng brei klei pah mni ôh); China jing ala čar mkŏ mjing. Êpul Việt Nam mâo 15 čô, bi lông online ti Sang hră gưl prŏng kdră mrâo,  Sang hră gưl prŏng ala čar Hà Nội hruê 20/5/2023.

Hlue si hdră kčah mơ̆ng Anôk bruă mkŏ mjing Olympic Tin học Asi Pacific, Việt Nam dưi ruah 6 čô mâo puăng lu hĭn.  Jih 6 čô anei ksiêm dlăng mă klei pah mni mơ̆ng Việt Nam dưi mâo medai, mâo 4 medai êa prăk leh anăn 2 medai êa kông. Việt Nam dôk tal 9. Hŏng boh tŭ anei bi mklă hnơ̆ng jăk mtô bi hriăm leh anăn tă hdră djŏ bruă thâo ƀuh, bi hriăm hđeh hriăm thâo mơ̆ng  Phŭn bruă sang hră mtô bi hriăm. Mbĭt anăn bi êdah klei gĭr mơ̆ng hđeh sang hră, nai mtô, sang hră leh anăn bruă mtô jăk, hriăm thâo