VOV4.Êđê Pŏk ngă Hdră mtrŭn mrô 24 mơ̆ng Dhar bruă gĭt gai anôk bruă kƀĭn ala kơ hdră lŏ dơ̆ng đru kơ mnuih mă bruă hluê Hdră mtrŭn 03 mơ̆ng Dhar bruă gĭt gai anôk bruă kƀĭn ala gưl 15 ba mdah leh hră m’ar djŏ wưng kčah. Tĭng truh ară anei, bruă Ênua yang ƀuôn 63 čar, ƀuôn prŏng đru leh kơ 243 êbâo čô mnuih mă bruă truh 689 êklai prăk. Čiăng hluê ngă pral lehanăn tŭ dưn hdră mtrŭn anei, Khua knơ̆ng bruă Ênua yang ƀuôn Việt Nam Nguyễn Thế Mạnh mjêč gĭt gai dŭm anôk thơ̆ng kơ bruă, bruă Ênua yang ƀuôn dŭm čar, ƀuôn prŏng ksiêm dlăng bruă pŏk ngă hdră anei djŏ wưng kčah. Mbĭt anăn, bruă Ênua yang ƀuôn Việt Nam mtă brei mđing hâo hưn, mtô mblang čiăng kơ mnuih mă bruă m’ĭt leh hră dưi tŭ mă klei đru mơ̆ng djŏ guôp lehanăn klă mngač./.

H’Nêc pô mblang