VOV4.Êđê - Tŭ drông klei bi hdơr 91 thŭn hruê mkŏ mjing êpul hđeh êdam êra cộng sản Hồ Chí Minh 26/3, tlam mmăt mbruê, êpul bruă hđeh êdam êra gưl dlông Hồ Chí Minh mkŏ mjing leh knăm pah mni phung knuă druh hđeh êdam êra hlăm kluôm ala, mđup brei klei pah mni Lý Tự Trọng thŭn 2022 kơ phung knuă druh, hđeh êra êdah êdi hlăm kluôm ala. 94 čô knuă druh leh anăn hđeh êdam êra êdah êdi dưi mâo klei pah mni anei jing phung knuă druh êpul nah gŭ mâo bruă ngă kdlưn hĭn hlăm klei hriăm hră mơar, mă bruă knuă, hlăm bruă hđeh êdam êra leh anăn bruă phung hđeh lăk. Hlăm anăn mâo 27 čô jing phung khua bruă Đoàn gưl kdriêk, 49 čô khua bruă đoàn gưl nah gŭ leh anăn 18 čô jing bí thư chi đoàn. Mbĭt hŏng 11 čô êdah êdi jing mnuih djuê ƀiă msĕ si Tày, Thái, Dáy, Mường, H’ Mông, Khmer, Mă.

Y-Ƀel pô mblang