VOV4.Êđê -  Hlăm hrră mbŏ Klei čang hmăng mđĭ kyar Asi (ADO) 2020 dưi hưn mdah hruê mbruê 21/7, Knơ̆ng prăk mđĭ kyar Asi (ADB) krơ̆ng klei đăo knăl kơ Việt Nam ti hnơ̆ng 6,5% hlăm thŭn 2022 leh anăn 6,7% hlăm thŭn 2023, msĕ si klei hưn mdah hlăk mlan 4 thŭn 2022. Hlue si ADB, bruă duh mkra Việt Nam lŏ dơ̆ng krơ̆ng hnơ̆ng đĭ kyar, kyua bruă mnia blei ăt dưi pŏk mlar leh anăn klei krŭ pral hĭn mĭn tĭng mơ̆ng bruă mkra mjing, ba čhĭ hlăm ala čar leh anăn prăk bi liê knŭk kna. Wăt tơdah ênoh mnơ̆ng dhơ̆ng kluôm rŏng lăn đĭ, boh nik ênoh êa pui kluôm rŏng lăn, srăng mđĭ ênoh mnơ̆ng dhơ̆ng, ƀiădah phŭn mkăp mnơ̆ng ƀơ̆ng huă hlăm ala čar srăng đru Việt Nam bi hrŏ klei ƀơ̆ng ngăn hlăm thŭn 2022. Hlue anăn, ADB ăt krơ̆ng kjăp hnơ̆ng đăo knăl klei mđĭ ênoh mnơ̆ng dhơ̆ng ti hnơ̆ng 3,8% kơ thŭn 2022 leh anăn 4,0% kơ thŭn 2023./.

H’ Zawut pô mblang