VOV4.Êđê- Ti čar Kon Tum mơ̆ng hlăm brô 11 mmông mmăt mbruê 27/9 mphŭn mâo adiê hjan prŏng. Truh aguah anei 28/9 hŏng adiê hjan, angĭn ƀrư̆ ktang leh anăn hmăĭ mơ̆ng angĭn êbŭ mrô 4 ngă mâo klei luič liê tal êlâo.

Klei hâo hưn mơ̆ng Knơ̆ng bruă sang čư̆ êa kdriêk Kon Plông, čar Kon Tum, bi knông hŏng Quảng Ngãi, kyua hmăi mơ̆ng angĭn êbŭ, ară anei mâo 5 să ti kdriêk anei: mâo: Đăk Nên, Măng Bút, Đăk Ring, Đăk Tăng leh anăn Pờ Ê luič pui kmlă.

Dŭm kdriêk Tu Mơ Rông, Kon Plông, Đăk Glei… mâo đa đa sang kpŏk čuôr; mâo anôk klưh hroh lăn, anôk êngăp êa hlăm ktuê êlan.

Čiăng rơ̆ng êđăp ênang klei hdĭp leh anăn ngăn drăp mnuih ƀuôn sang, mơ̆ng tlam leh anăn mmăt mbruê dŭm kdriêk hlăm čar mkŏ mjing mbĕ đuê̆ hlăm brô 600 gŏ êsei mnuih ƀuôn  sang hŏng 2.500 čô mnuih mơ̆ng krĭng tlung, krĭng huĭ klưh hroh lăn nao ti anôk êđăp ênang./.

Pô mblang: H’Zawut Ƀuôn Yă