Gưl adiê hjan pliêr hlăm ênhă prŏng ti ƀuôn prŏng Đà Lạt leh anăn sa kdrêč ti kdriêk Lạc Dương, čar Lâm Đồng. Khădah adiê hjan sui mâo wăt adiê hjan lĕ pliêr ti đa đa krĭng wăl ƀiădah amâo ba luč liê kơ ngăn drăp, djam tam ôh. Anei dưi dlăng jing gưl adiê hjan yuôm bhăn kơ dap kngư Lâm Viên leh sa wưng adiê không, mđiă ktang sui.

Mbĭt hŏng ƀuôn prŏng Đà Lạt leh anăn kdriêk Lạc Dương, đa đa ti kdriêk Dam Rông, Lâm Hà leh anăn ƀuôn prŏng Bảo Lộc ăt mâo adiê hjan. Hlăm anăn, gưl adiê hjan mâo hlăm tlam hruê 30/3 ti să Dă KNang, kdriêk Dam Rông ăt mâo adiê hjan lĕ pliêr. Adiê hjan khăng mâo ti Lâm Đồng ƀiădah adiê hjan lĕ pliêr mâo hlăm akŏ yan hjan leh anăn mâo wăt hlăm krĭng Dam Rông, krĭng kngư Đà Lạt, jing klei amâo đei mâo ôh./.