Anôk bruă đăo knăl yan adiê Lâm Đồng brei thâo, 90% ênhă lăn ti alŭ wăl gơ̆ êbhui, êdjin, huĭ srăng mâo klei klưh hroh lăn ti dŭm hnoh êa. Dŭm alŭ wăl msĕ si Dam Rông, D’Ran, Lạc Dương, Nam Ban, Hiệp Thạnh… mbĭt hŏng êlan kčŭn čư̆ ktuê êlan dơ̆ng prŏng mrô 20, 27, 27C, 28B, Đại Ninh, Prenn lehanăn Mimosa dôk hlăm klei hưn brei răng huĭ hyưt. Bi ti čar Dak Lak, hluê si Anôk bruă đăo knăl yan adiê, lu krĭng tlung, krĭng trăp ti Dak Lak hlăk hlê êngăp êa, dŭm ktuê êlan mlir să, alŭ dleh găn êrô, bi ktlah.

Klei klưh hroh lăn ăt mâo ti lu krĭng hlăm kčŭn čư̆ ti Khánh Hoà - Lâm Đồng. Êngao klei klưh hroh ngă 5 čô djiê ti kčŭn čư̆ Khánh Lê, čar Khánh Hoà, dŭm êtuh anôk klưh hroh lăn mkăn mâo čih yap ti kčŭn čư̆ Ngoạn Mục lehanăn kčŭn čư̆ Khánh Sơn - mkŏ Khánh Hoà hŏng Lâm Đồng. Êpul djŏ tuôm dôk kwang dar êjai kčŭn čư̆ Ngoạn Mục čiăng rơ̆ng klei êđăp ênang./.