Aguah mbruê 7/7, ti anôk bruă knŭk kna, Khua Phŭn bruă, khua kiă kriê adŭ bruă knŭk kna Trần Văn Sơn mă bruă hŏng Phun bruă êlan klông leh anăn dŭ mdiăng kơ bruă hluê ngă bruă ksiêm dlăng klei ngă hră mơar knŭk kna  leh anăn rơ̆ng dŭm klei hưn đru kơ bruă gĭt gai, ktrâo lač, kiă kriê mơ̆ng knŭk kna, Khua knŭk kna.

Bi klă hlăm mmông mă bruă, Khua kiă kriê adŭ bruă knŭk kna Trần Văn Sơn mñă kơ Phŭn bruă êlan klông leh anăn dŭ mdiăng mtrŭt mđĭ klei mlih mrâo hră mơar knŭk kna, hmao ruh mgaih klei dleh dlan, kpăk gun hlăm bruă mkra mjing, mnia blei leh anăn klei hdĭp mnuih ƀuôn sang, bi leh bruă hluê ngă dŭm hdră êlan mlih mrâo mâo leh mâo klei dưi bi klă rơ̆ng bi djŏ hdră kčah, hnơ̆ng tŭ jăk. Mđing kơ bruă bi hrŏ, bi ênưih dŭm mta hră mơar čiăng mđĭ hnơ̆ng tŭ jăk, boh tŭ dưn hlăm klei ngă bruă mơ̆ng bruă êlan klông leh anăn dŭ mdiăng.