Wưng leh êgao, bruă mặt trận djăp gưl hlăm čar mâo mtrŭt leh mnuih ƀuôn sang mâo klei bi ktưn hriăm mjuăt, ngă bruă mđĭ kyar klei duh mkra ala ƀuôn, bi hgŭm jăk djăp mta bruă, mâo klei tăng mgăl siam, bi kdơ̆ng hŏng klei ƀơ̆ng ngăn, klei bi liê pliă plia, đru mguôp hlăm bruă mkŏ mjing Đảng, bruă sang čư̆ êa doh mngač kjăp ktang.

5 thŭn leh êgao, keh “Kyua mnuih ƀun” dŭm gưl hlăm čar mâo iêo mkrum leh 59 êklai prăk, đru mkŏ mjing mrâo lehanăn mkra wĭt leh êbeh 1.000 boh sang bi đru, mđup brei êbeh 35.800 hnư mnơ̆ng ƀri hlăm wưng tết hat, đru leh êbeh 270 gŏ êsei ƀun, giăm ƀun mđĭ kyar klei hdĭp mda. Klei bi kƀĭn prŏng anei ruah leh 91 pô bi ala bruă Mặt trận čar gưl mrâo. Aduôn Bà Y Thị Bích Thọ mâo ruah mdưm păn ngă khua knơ̆ng kiă kriê bruă Mặt trận čar Kon Tum gưl XI.