VOV4.Êđê - Lŏ dơ̆ng klei kƀĭn thơ̆ng kơ klei čih hdră klei bhiăn mlan 9, aguah anei, Dhar bruă kƀĭn ala brei klei blŭ kơ Hdră bhiăn êpul bi mguôp (mkra mlih). Hdră bhiăn anei 12 kdrêč, 117 mta. Hdră klei bhiăn pŏk phai phung dưi nao hgŭm mơ̆ng 15 thŭn kơ dlông, phung hgŭm bi mguôp amâo mâo mguôp ngăn prăk, mbĭt anăn bi mbŏ bruă klam mơ̆ng êpul bruă duh mkra mâo klei dưi kiă kriê srăng bi mŭt phung nao hgŭm êjai mâo klei găl. Hdră klei bhiăn anei ăt bi kluôm ênŭm dŭm hdră bhiăn kơ hdră mkŏ mjing bruă duh mkra bi mguôp, êpul bi ala. Hlăm anăn, êpul bi mguôp dưi bi klă amâo srăng mâo klei dưi kiă kriê, bi klă ti anôk bruă bi klă bruă mnia mblei gưl kdriêk, Êpul hgŭm êpul bui mguôp jing êpul bruă duh mkra mâo hnơ̆ng prŏng gưl krĭng, gưl ala čar hlăm dŭm mta bruă ngă, klei tŭ ngă bruă. Ăt hlăm hruê anei, Dhar bruă kƀĭn ala brei klei blŭ kơ klei bhiăn bi lông blei klei ngă bruă (mkra mlih).

Y-Ƀel pô mblang