Jing sa hlăm 5 mta kñăm ksŭng blah mtlaih Sài Gòn, êpul kâhn 3 hŏng bruă klam mă tač êdeh phiơr Tân Sơn Nhất leh anăn anôk bruă kčĕ – gĭt gai mơ̆ng roh. Čiăng dưi mă hdră kñăm yuôm bhăn anei hlăm hruê 30/4 hƀue ênuk, êpul kahan mâo leh hdră lĭng kahan mbruă, pral leh anăn jih ai tiê. Trung tướng Nguyễn Quốc Thước, hlăk anăn ngă Khua êpul kahan 3, pô gĭt gai sa hdră blah hlăm Sài Gòn kah mbha kơ klei hdơr amâo dưi wơr ôh hlăm hruê mtlaih êngiê.

 Tač êdeh phiơr Tân Sơn Nhất leh anăn Anôk bruă kčĕ dưi mtlaih êngiê kluôm hlăk 11h30. Snăn mơ̆ng 11h truh 11h30 jih 5 mta kñăm ti sài Gòn dưi mtlaih êngiê sa mmông. Mơak snăk, leh mâo mă klei êngiê, pô ktưn hưn, ƀiădah mâo sa klei, amâo mâo Awa Hồ. Hlăk hmei bi mklă srăng nao blah Mi, Awa Hồ ruă kjham leh, ñu lač: diih gĭr mtlaih êngiê Sài gòn čiăng kâo dưi nao čhưn hŏng mnuih ƀuôn sang kwar Dhŭng… Aguah hruê êdei hlăm Sang mđung asăp blŭ Việt Nam mđung klei mmuiñ mơ̆ng Phạm Tuyên “Như có Bác Hồ trong ngày vui đại thắng”, hlăk anăn klă sĭt hmei mơak, Awa Hô truh tinei leh, mnuih ƀuôn sang kwar Dưr drông leh Awa hriê hong hmei, anăn ƀuh hlăm ai tiê êđăp ênang.”

Êlan truh kơ klei blah dưi hruê 30/4/1975 mâo klei đru mguôp kđeh êrah mơ̆ng phung êdah kdlưn mơ̆ng grăp krĭng kwar. Mơ̆ng lăn Quảng Ninh, phung lĭng kahan- phung mă hdăng hŏng anăn Binh đoàn hdăng mâo leh lu klei tŭ dưn, amâo uêñ săn asei, dleh dlan dưi mâo klei tŭ dưn yan Mnga. Leh hgŭm hlăm anôk knăm ti Ƀuôn Ama Thuôt, lu phung lĭng kahan Binh đoàn hdăng nao ti sai Gòn blah ti tač êdeh phiơr Tân Sơn Nhất, Anôk bruă gĭt gai phung roh. Bùi Duy Thinh, hlăk anăn jing pô đru bruă kơ êpul kâhn mơ̆ng Trung đoan 28, lŏ hdơr kơ hriê 30-4.

“ Truh 10 mmông hmei nao blah ti ƀăng jang mơ̆ng Anôk bruă gĭt gai phung roh Sài Gòn. Ttuh 11h30, hlăm mmong anei ti Dinh Độc Lậ hmei thâo dưi mtlaih êngiê leh, hmei yuôl hla čhiăm gru ti Anôk bruă kcĕ Sài Gòn. Jih jang ayŏng adei mă jih kdrăp kđăm, giê gĭt gai mơ̆n khua kahan Cao Văn Viên, mrô kđăm Nguyễn Văn Thiệu. Ai tiê bŏ hŏng mơak mñai, amâo lŏ thâo yăl dliê jih ôh”

48 thŭn êgao leh yap mơ̆ng hruê mtlaih êngiê kwar Dhŭng hluh lir lăn čar, ƀiădah klei hdơr kơ hruê êpul kahan nao mtlaih êngiê kwar Dhŭng ăt dôk nanao hlăm ai tiê phung ƀuh klei anăn. Ktưn hưn jing hlăm êpul čih klei mrâo Việt Nam tal êlâo ti Dinh Độc lập hlăm yang hruê 30/04/1975, pô čih klei mrâo kdrăn blah Trần Mai Hưởng, Khua gĭt gai hđăp Thông tấn xã Việt Nam čih leh rup bi knăl tŭ dưi hŏng akŏ “Êdeh sar kahan mtlaih êngiê hlăm dinh Độc Lập yang hruê 30/4/1975" leh anăn lu klei mrâo kơ hruê mtlaih êngiê hƀuê ênuk.

Pô čih klei mrâo Trần Mai Hưởng brei thâo leh êdeh mdiăng phung čih klei mrâo nao giăm ƀuôn prŏng, boh phao phung roh ăt dôk mnah, dŭm boh êdeh mdiăng nao giăm êdeh sar čiăng ñĕ kơ boh phao. Ƀiădah truh ti ƀuôn prŏng jing sa klei mkăn, mnuih ƀuôn sang hơ̆k mơak nao drông êpul kahan mtlaih êngiê:

“Mnuih ƀuôn sang hơ̆k mơak, mđup brei mnơ̆ng leh anăn ba êa mnăm kơ ayŏng adei. Sa čô hđeh 13-14 thŭn đĭ ti êdeh pô čih klei mrâo, ur ktang: mtlaih êngiê leh! Mtlaih êngiê leh. Bi mnuih ƀuôn sang dua nah êlan kmiêk phung kahan, mă kngan tlao mơak leh anăn muiñ. Mmuiñ klei mmuiñ Nao phă Hà Nội mơ̆ng Văn cao: êpul kahan lu snăk nao phă anăp. Klei anăn djŏ snăk hŏng mmông anăn. Grăp čô mnuih mmuiñ klei mmuiñ anăn leh anăn mơak snăk, diñu ktrâo êlan kơ hmei nao mŭt”.