VOV4.Êđê -  Anôk bruă sang čư̆ êa ƀuôn prŏng Đà Lạt, čar Lâm Đồng mrâo mâo hră m’ar hưn mdah, akâo kơ Anôk bruă sang čư̆ êa čar Lâm Đồng ksiêm dlăng, brei sang mnia mlam Đà Lạt dưi ngă leh êbeh 8 mlan mdei hdră čhĭ mnơ̆ng kyua klei ruă Covid 19. Kñăm rơ̆ng klei êđăp ênang hlăm hdră gang mkhư̆ klei ruă Covid 19, Sang mnia mlam Đà Lạt mdei leh hdră ngă bruă mơ̆ng hruê 03/05/2021 truh kơ ară anei. Mơ̆ng sa wưng sui mdei hdră mă bruă, klei hdĭp bruă duh mkra mơ̆ng dŭm gŏ êsei mă bruă mnia mblei ti sang mnia anei tuôm hŏng lu klei dleh dlan. Ti anăp klei anei, kñăm pŏk ngă tŭ dưn mta kñăm mdua hlăm wưng hdĭp hlăm boh klei mrâo... Anôk bruă sang čư̆ êa ƀuôn prŏng Đà Lạt hưn mdah, akâo kơ anôk bruă sang čư̆ êa čar Lâm Đồng ksiêm dlăng lŏ brei sang mnia mlam Đà Lạt ngă bruă amâo dah mâo klei ba ngrơ̆ng kñăm gang mkhư̆ klei ruă tưp... Êlâo anăn, bi ala êbeh 300 gŏ êsei ngă bruă mnia mblei ti Sang mnia mlam Đà Lạt mâo leh hră ba m’ĭt kơ anôk bruă sang čư̆ êa ƀuôn prŏng Đà Lạt akâo kơ anôk bruă sang čư̆ êa dưi brei sang mnia mlam anei bruă sang čư̆ êa lŏ ngă bruă hlăm wưng Têt djuê ana Nhâm Dần 2022. /. 

H’Nêč pô mblang