VOV4.Êđê- Mñă ti anôk bi kƀĭn online kơ bruă mdrơ̆ng hŏng klei mgei lăn ti čar Kontum mkŏ mjing leh aguah mbrue (19/4) ti Hà Nội, Trần Quang Hoài, k’iăng khua kiă kriê Êpul ala čar gĭt gai bruă mdrơ̆ng hŏng klei yan adiê ngă mâo klei mtă, amâo lŏ mbŏ dơ̆ng ôh êa hlăm dŭm knơ̆ng êa ti akŏ hlăm čar kontum êjai wưng anei. Klei ksiêm yap mơ̆ng Anôk bruă ksiêm duah kơ klei jing boh lăn, hlăm knơ̆ng bruă kreh knhâo Việt Nam brei thâo, hlăm wưng giăm anei, msĕ si mơ̆ng mlan 4 thŭn 2021 truh kơ ară anei. Ênoh mâo yap klei mgei lăn ti kdriêk Kon Plông lehanăn krĭng riêng gah jêñ hĭn, lehanăn knư̆ hrue knư̆ ktang hĭn mơh, boh nik hlăm hrue 15 lehanăn 18/4 leh êgao mâo klei mgei lăn hlăm alŭ wăl mâo ênoh truh 22 blư̆ leh klei mgei lăn, dơ̆ng mơ̆ng 2,5 truh 4,5 độ ričter. Khădah ka mâo ôh klei truh tơl jhat rai, lehanăn djiê mnuih ti dŭm alŭ wăl mgei lăn, ƀiădah hnơ̆ng mgei anei ngă hmăi leh kơ klei hdĭp mda phung ƀuôn sang hlăm alŭ wăl./.

Pô mblang: Y-Khem Niê