VOV4.Êđê- Lŏ dơ̆ng klei kƀĭn tal 9, aguah mbruê 14/3, hmư̆ êpul ktuê dlăng hưn mdah boh tŭ phŭn kčưm kơ bruă mdưm dŭm anôk bruă gưl kdriêk, gưl să hlăm wưng 2019 – 2021, Dhar bruă gĭt gai bruă kƀĭn ala mtă amâo ba dŭm hdră bi mŭt gưl kdriêk hlăm ƀuôn prŏng čiăng rơ̆ng klei djŏ guôp hŏng bruă dăp mnuih mă bruă leh anăn čuăl mkă krĭng ƀuôn prŏng. Hlăm klei ktuê dlăng brei ƀuh, dŭm alŭ wăl ngă leh bruă bi hrŏ 8 anôk bruă knŭk kna gưl kdriêk leh anăn 561 anôk bruă knŭk kna gưl să, 3.437 anôk bruă, êpul êya gưl să leh anăn 429 anôk bruă, êpul êya gưl kdriêk. Hlăm wưng thŭn 2019 – 2021 dưi mkiêt mkriêm leh ngăn prăk ala čar hlăm brô êbeh 2 êbâo êklai prăk. Ƀiădah, kyua hruê mmông tui ngă jing ƀiă, kyuanăn hlăm đa đa alŭ wăl, ênoh prăk mkiêt mkriêm ka dưi rơ̆ng ôh kơ bruă đru kơ phung knuă druh, phung mă bruă knŭk kna mâo leh êbeh leh lŏ wĭt dăp mrâo.

        Pô mblang: Y-Ƀel Êban