VOV4.Êđê- Knơ̆ng bruă dliê kmrơ̆ng, Phŭn bruă Lŏ hma – mđĭ kyar krĭng ƀuôn sang mrâo ba mdah hdră kčah lŏ mkŏ dăp anôk bruă dliê kmrơ̆ng hluê hdră mđĭ boh tŭ yuôm wưng thŭn 2021-2025. Hluê anăn, kluôm anôk bruă gĭr mâo ênoh čhĭ mnơ̆ng dhơ̆ng mơ̆ng kyâo lehanăn mnơ̆ng hlăm dliê kmrơ̆ng êngao kơ kyâo truh 18 êklai đolar Mi truh kơ 20 êklai đolar Mi hlăm wưng thŭn 2021-2025. Hluê si hdră kčah, mđing truh kơ mta kñăm, anôk bruă dliê kmrơ̆ng mđing mđĭ hdră bi mrâo mrang bruă tuh tia mkra mjing mnơ̆ng hlăm dliê kmrơ̆ng, mjuăt bi hriăm mnuih mâo klei thâo. Lŏ dơ̆ng iêu jak djăp ai dưi, klei mâo hlăm êpul êya yang ƀuôn, ba yua kdrăp kreh knhâo lehanăn mrâo mrang kñăm mđĭ lar jih klei găl mâo, bruă klam lehanăn klei tŭ dưn mơ̆ng dliê, mđĭ kyar h’ĭt kjăp anôk bruă dliê kmrơ̆ng./.

                Pô mblang: H’Nêč Êñuôl