Klei hưn mơ̆ng Knơ̆ng bruă ksiêm dlăng bruă knuă čar Lâm Đồng brei ƀuh, truh hruê 6/1, knơ̆ng bruă hưn mthâo leh prăk mlan, pah mni Têt mơ̆ng 229 anôk bruă duh mkra, êpul êya ba yua mnuih mă bruă dôk ngă bruă ti alŭ wăl čar, hŏng ênoh prăk êbeh 19.800 čô mnuih mă bruă.

Dlăng kluôm, dŭm anôk bruă duh mkra hluê ngă leh ênŭm klei kčah mtrŭn kơ hdră bhiăn prăk mlan, klei pah mni kơ mnuih mă bruă. Hŏng klei pah mni Tết Nguyên đán Bính Ngọ 2026, ară anei mâo 116/229 anôk bruă duh mkra hưn mâo klei pah mni kơ anôk bruă duh mkra. Hlăm anăn, êpul bruă duh mkra êngao knŭk kna mâo leh ênoh pah mni 180 êklăk prăk/čpp, lu êdi kluôm čar. Khă snăn, ăt mâo mơh anôk bruă duh mkra hlăm êpul anei pah mni ƀiă, knŏng 200.000 prăk/čô./.