Klei bi kƀĭn mâo leh klei bi tŭ ư hưn mdah 145 čô pô mgơ̆ng ruah pô bi ala bruă kƀĭn ala truăn kơ bruă gưl 16 hlăm gưl dlông. Blŭ klah čŭn ti anôk bi kƀĭn, Khua bruă kƀĭn ala Trần Thanh Mẫn jao kơ êpul kiă kriê pô bi ala, hgŭm hŏng dŭm anôk bruă lŏ dơ̆ng bi mklă hră mơar ba hưn mdah hŏng dhar bruă gĭt gai bruă kƀĭn ala kơ ênoh mnuih ba mgơ̆ng ruah, jing phung truăn kơ bruă gưl 16 ti gưl dlông, lehanăn hưn mthâo truh hŏng dŭm anôk bruă čiăng mă klei blŭ anôk pô anăn mă bruă, lŏ mbŏ bi ênŭm hlăm hră mơar mgơ̆ng ruah phung bi ala bruă kƀĭn ala, jing phung truăn kơ bruă gưl 16 hlăm gưl dlông, rơ̆ng bi djŏ hŏng mta mtrŭn mơ̆ng hdră bhiăn; bi leh jih jang hdră mtrŭn ruah mdưm pô đru kơ k’iăng khua bruă kƀĭn ala.

Khua bruă kƀĭn ala kiă kriê adŭ bruă kƀĭn ala, bi hgŭm hŏng anôk bruă kiă kriê pô bi ala mkŏ mjing mă klei blŭ phung bi ala ti anôk pô anăn mă bruă, ti dŭm anôk bruă mơ̆gn bruă kƀĭn ala./.