Bruă kăm mnuih lehanăn êdeh êdâo găn êrô mơ̆ng kdrêč jơ̆ng čư̆ Prenn hlŏng truh kơ alŭ wăl hiu čhưn ênguê drai Đatanla, dôk hlăm ƀuôn hgŭm Xuân Hương – Đà Lạt. Anei jing alŭ wăl jhat rai kjham jih dua nah ta luy gŭ dlông hlăk wưng hjan prŏng leh êgao. Klei brei mdei găn êrô anei kñăm lŏ mkra wĭt anôk jhat mơ̆ng Km224+650.

Hlăm 6 hrue kăm ghă, mnuih ƀuôn sang lehanăn êdeh êdâo nao kơ Đà Lạt brei găn kčŭn čư̆ Mimosa – êlan dơ̆ng prŏng mrô 20 amâodah nao hlue kčưn čư̆ Sacom Tuyền Lâm. Êlâo anăn, čar Lâm Đồng hưn mdah leh klei răng mjêč kơ klei yan adiê ngă hŏng êlan kčŭn čư̆ Prenn. Tui si hdră, bruă mkra wĭt dŭm anôk jhat rai ktuê kčŭn čư̆ Prenn srăng bi leh pioh kơ êdeh êdâo găn êrô êlâo kơ Tết Nguyên đán Bính Ngọ 2026./.